صور من اللقاء معي علي قناة البدر في برنامج أحلي شباب

أنا وكريم في حلقة احلي شباب الأثنين 12-5-2008

ماكنتش ناقص مواعيد او انشغال وخاصة في الوقت الذي يتداعي التعب والإرهاق الزهني علي حياتي كما يتداعي اليهود علي الفلسطنيين

ومالوا مفيش مشكله ....فجلست انا وكريم الشاذلي مقدم البرنامج نفكر كيف وماذا نقدم في هذه الحلقه ....دي من المفترض ان في معده للبرنامج ...بس تقول ايه

جهزنا المحاور وجهزنا فديوا للعرض في القناه
وكان هناك ريبورتاج بتحضره القناه – طبعا لما ظهر كان اي كلام – مش مشكله

وأتي اليوم الأثنين....وقمت علي تليفون لكريم ظهرا وهو يقول لي ان البرنامج تأجل موعده من 4 ل 5 ونصف ....لا والله طب الناس اللي بعتلها اميلات ورسائل اعملها ايه ...ولا يهمكوا – مش مشكله عادي قناة اسلامية -

ذهبت للقناه قبلها بساعه كامله ....اين المخرج يا جماعه ...!!! لم يأتي بعد ...معلش مخرج ومشغول ...اسألوني انا...
طيب ماذا نفعل يا كريم نحن معانا مقاطع فديوا من المفترض ان يتم عرضها.....هكذا اقول لكريم...

ومرت الدقائق وقبل الحلقه ب 10 دقائق – ملحوظه الحلقه علي الهواء – ومع إلحاحنا علي السؤال اين المخرج ؟ قال لنا المخرج العام للقناه ان المخرج لن يأتي وانا هنا معكم في الحلقه – طبعا من يقول هذا الكلام كان موجود ويعرف بالموضوع من زمن – جميل توجد مقاطع فديوا من الضروري ان تعرض .... انا من يوجه له الكلام ...

ظهرت عليه – المخرج -علامات استغراب وتعجب ثم استهجان ...فديوا ...فديوا ايه اللي ناوين تعرضوه ...احنا ما تفقناش علي كده ...نعم...!! – نعم دي خاصه بي -

طيب ما قولتوش ليه من زمان انا مليش دعوه بالكلام دي ومعنديش علم بيه ...هو موضوع الحلقه عن ايه ؟؟؟
طبعا صباح الخير بالليل....ومن ذكائي قولت له الموضوع هو صورة العرب والمسلمين في السينما الأمريكية ...
زاد قلق المخرج ....ومن الواضح انه خاف من اسم الموضوع ....

هنا كان كريم الشاذلي قد دخل في الموضوع ...وزادت حدته وكاد ان يتشاجر مع المخرج – ملحوظه باقي 6 دقائق علي الهواء- في النهاية قرر المخرج ان يري الفديوا قبل عرضه

فذهبت واحضرت اللاب توب وفتحته وشاهد المقطع اللذي مدته 5 دقائق ......ثم نظر الينا وقال هاتوا السي دي ...ثواني وسوف احضر ...- انا افتكرته رايح يستأذن من حد كبير زي الريس ...الخاص بالقناه ما هو كل قناه وليها ريس - .. وبعد شويه جاء وقال السي دي مش عايز يشتغل ....- بالقي دقيقة – مش مشكله بلاها فديوا

بدأت الحلقة وبدأ كريم المقدم يهدأ.... وتكلمنا وتحدثنا عن الموضوع ...

وبالطبع بما اننا نتحدث عن صورة العرب والمسلمين في السينما الأمريكية وعن السياسة الأمريكية طبيعي تأتي صورة اليهودي في السينما الأمركية وخاصة انني انجزت بحثا مصور في هذا الموضوع ....وفي حديثنا جاء فاصل للتقرير الخارجي المصور وإذا بالكنترول يقول لنا لو سمحتم بلاش تتكلموا عن اليهود هدوا اللعب شويه ...!!!

طبعا التقرير ليس له اي علاقه بالموضوع للأن اعداده – هو مافيش اعداد اساسا –
مرت الحلقه بسلام وخاصه اني لم احس بالوقت ..... كانت حلقه مش بطاله

لا أخفي عليكم دي اول مره اخش فيها مدينة الإنتاج ... كل القنوات هناك
كل القنوات في قبضة النايل سات .... بسهوله من يتحدث فيما لا يرضيهم نقطع عنه الإرسال والمياه والكهرباء...والوثيقة موجوده

من الحجات الظريفة اللي في الحلقه ما فآجئني به كريم عندما قال ( تجيب الديفي دي والفشار عشان تتفرج وتبقي سعيد سعادة التنين ...) ودي اساسه كلمه بيقولها عبدالرحمن مجدي كثيرا ...

المهم في الآخر أختم بمقولة صديقي كريم ....هناك نوعين من القنوات ...قنوات محترمة وقنوات اسلامية ... ولا عزاء في الفركش....!!