6 ابريل الجو اصفر !!

فعلا الجو اصفر !!!

كم عدد الحمير التى اكلتها ؟ - بصولنا في الأكل بتعنا -

بالهناء والشفااااااء .... !!!!

المنشتات فى الجرائد والسلوجين في الإعلانات

( اسرار تنشر للأول مره )

المانشيت او السلوجين ما هو إلا بعض الكلمات القليلة العدد الكبيرة المعنى والتى تعبر عن اشياء كثيرة تلخص فى كلمات بسيطة. وغالبا توضع على اغلفة المجلات لكى تقبل عليها وعلى عناوين المقالات لكى تشتري الجريده وفى نهاية الإعلان لكى تقتنع بالمنتج.

انا اعلم ذلك جيدا- عملى يحتم على ذلك- ولكن الذى ذكرنى انه فى يوم وانا ذاهب كعادتى لبائع الجرائد صادفتنى مجله تتحدث عن مغنى مات منذ 31 سنة فى خلال تلك الفترة كتبت له آلاف من المقالات والمنشتات والكتب وله فيلم ومسلسل وبعد كل هذا توجد اسرار تنشر للأول مرة....!!!!

وهذا يجعلنا ننظر قليلا بحذر على الكلمات والعبرات المتناثرة حولنا فى كل مكان.... والتى يراد من تداولها وكثرة انتشارها ان تأثر على قراراتنا فى الشراء وتأثر على افكارنا وأحكامنا على الآخريين بل أحيانا لا نشترى السلعة الا إذا وجدنا احدى تلك العبارات التى تعطينا الدافع للشراء ونحن لا نعلم من هذه السلعه غير العبارات الرنانه التى تردد عنها والتى يصرف اصحاب السلعه الآلاف لشركات الدعاية لتألفها ووضع الأفكار او تنشأ المحطات الفضائية بالملايين لترويج فكره او معنى

واحيانا اخرى نكذب الصادق ونصدق الكاذب لسماعنا لبعض العبارات التى اصبحت متوارثه والتى صدقها اجدادنا وتوارثنها نحن حتى اننا اصبحنا مثل الببغاوات واحيانا اخرى التكرار الرهيب فى البيت والتلفزيون والشارع والإذاعة و.... فيراد منه ان تنسى العيوب الواضحة فى المنتج او الخدمة التى تقدم لك بل فى بعض الأحيان تكذب نفسك وتقنعها انك انت المتسبب فى المشكله وانت صانع العيب

الأمثله لا حصر لها واترككم مع بعضها

للأول مرة فى مصر - اضخم عروض فى مصر - الشبكة الأولى فى مصر - اقوى شبكة فى العالم - المخرج العالمي – الممثل العالمي - سهم الأمة (قناة الفجر) - شاشة تأخذك للجنة - يقضى على 99 % من الحشرات – كوفرتينا فى الصبحية ..إشمعنا ؟ - بنغطى 99% من مصر ( احسن ناس ) - مش حتقدر تغمض عنيك - الشياطين الحمر – الكبير كبير - أكثر من ضعف الكمية – على الأصل دور – إحذروا التقليد – ليس لدينا فروع أخرى – اهتمام من القلب – الشيف يمني– اللى بينا كبير- عشرة عمر– رخصنا كل كروت الشحن – لمحركات أطول عمرا - عيش يتآكل حاف - ابناء الفراعنة - البيت بيتك - لو نفسك فيه ممكن تشترية – التجارة بالدين - افرش بيتك وخذ 90% من فلوسك فورا- افرش بيتك فى 24 ساعة - احلامك هانحققهالك- الشفافية – الحيادية - ثقة لا تنتهي - بطعم وريحة السمنة البلدي - بيقضى على القشرة

حتحملي بعد 21 يوم ( بإذن الله وسأل مجرب ولا تسألش....) – اشحن طاقتك – لانتدخل فى الشأن الفلسطيني – مفتاح ال ز ي ر و ا وأفتح فى الكلام - بيقضى على مرض السكر والقلب والكلى والطحال وجميع الأمراض المزمنة والمعدية والمستعصية ب 199 جنية + مصاريف الشحن – تقسيط التقسيط- سيراميك السيراميك – اتكلم براحتك – عرض خاص - لية تدفع أكتر لكن ممكن تدفع أقل - الكيلوا بخيرة – شبكة واحده بتقربنا كلنا – وداعا للصلع – مجانا - الأكثر مبيعا – انا احبه- الجماعة المحظورة - بحب الحياة بحب كريستال ( إزازة الزيت ب 10 جنية...)

سيارة احلامك فى 24 ساعة – بدون مقدم - بدون فوائد - دوس ومايهمكش الفلوس- الحياة بقيت اورجانك - ارخص سعر للدقيقة فى مصر- نعدك بالجمال – استلم فورا – تملك فورا – أهالى النزهة يؤيدون.....- السبعين مليون يؤيدون.....- صنع فى الصين- حرية الراى- اول قناة عربية تقدم ...... – م ي ل و د ي....تتحدى الملل – نحن مختلفون – ننفرد – الوحيدون – المميزون – الأصليون – الأصوليون- الفرق يطمن - احذروا التقليد عند الشراء – أكثر من إلتزام – استمتع بتفاصيل 200% - خصومات تصل ل80% - اتكلم ارضى يا ابن بلدى – بلدي وتحدي - بلدنا بتتقدم بينا – ببن كل اكله واكله – كادبورى بحب الدنيا – جلاكسى عشق الشوكولاتة – الجبار –العملاق – الفتوه – الكل بيتكلم أرضى – أنا فودافون –انا إخوان – أنا إشتراكي – أنا وطني – أنا سني – أنا شيعي - أنا حولت اتصالات

مملكة من الجمال – القضاء على الإرهاب - انطلق – أنا عايزه الشيكيدودوا – ضبط النفس- إلا الكومبوا بتاعي- وعند جهينة الخبر اليقين – انسي ياعمرو – سر شويبس – يالذيذ يارايق – احمد مش زى الحاج احمد – خليك نوكيا اكتر – نظافة على البارد – صودا اكتر – طعم يفتح نفسك على الدنيا – لو جعان اديها سنيكرز – شربت من نيلها ؟ - منيوا الخمسة لسه بخمسة ( الحمد لله ) – اوفر اشتراك سنوى فى مصر – فرصة لن تتكرر ( المشكلة انها بتتكرر) - الإنشقاق الأكبر فى تاريخ الجماعة - للمحترفين فقط – احنا احسن من بلاد كتير غيرنا - امير الغناء العربى - فرصة لن تعوض – بيسون كلك حركات - بشرى سارة - مدينة عالمية على ارض مصرية – مهرجان تحطيم الأسعار – نجاح التجربة الديمقراطية - أكبر انهيار فى تاريخ البورصة – من جمال طعمها تتاكل لوحدها – قناة الأسرة العربية – الخلطة السرية – اتكلم من القلب

الوهات ...الجزء الثاني – من خلاصة الطبيعة - الدنيا تجيلك من اوسع ابوبها ... ياااااا كريم – اسرع انترنت فى مصر – فكر جديد - حماده ياجاااامد – عاصمه القاهره سيتى ستارز !! - الضرائب مصلحتك اولا !! – الريادة – الطبيعة حتجيلك لحد عندك - بشتغل فى حديد ع ز!!! ( وانا مالى) – خبراء صناعة الصلب فى الشرق الأوسط - الطاقة والأمان يتواصلان – ترقبوا الإفتتاح الكبير – نجاح منقطع النظير – انفراد – متخصصون – اشتريها وأنتى مغمضة – وهل يخفى الخبر- شيفروليه الدبابة – العزم شديد والرزق يزيد ( والله )

أكل مصرى بشكل عصرى – لو كان دليفري يبقى مؤمن – عبده تلوث - بامبرز مابيسربش ويمتص البلل – قاهر الصداع - اول ترفليك فى مصر بورتوا السخنه عجائب الدنيا السبع – يعرض حصريا...!!! – طعم غرقان فى الجبنة وبدون مواد حافظة – لايونكن – مشروع يوفر كذا الف فرصة عمل وحجم انتاج كذا مليار دولار..!!!! – مزايا الخط ومميزات الكارت – احدث طرق التخسيس وشد الترهلات وشفط الدهون فى مصر والشرق الأوسط - خير لينا وللأولدنا – صحتك فى العلبة دي - دورة غير حياتك واصنع المستحيل فى يومين !! – اكبر شركة فى الشرق الأوسط – نورت مصر – يبقى انت أكيد فى مصر!!!

من الذى قال انها اول مرة وانها اضخم وانها اقوى وإنها ارخص وانها اسرع وانها اوفر وانها بلدى وانها سر وانها مصلحتى وانها حصرى وانها بتتقدم بينا.... ممكن بتتقدم ليهم هما !!! لكن احنا ؟

خالى من الكوليسترول تأليف واخرج صلاح ابو سيف وبطولة أشرف عبدالباقى هذا الفيلم يتكلم عن نفس الموضوع وهو جدير بالمشاهده وايضا بعض الموضوعات فى فيلم الهروب لعاطف الطيب واحمد زكى وكيف يتحكمون فى الأخبار وعرضها....

حد لسه فاكر سفاح المعادي...؟

يارتنى ما رحت لبتاع الجرائد!!!
وفركش بقى....

على الطريق الدائري (1)

بكرة الكبير يجيلة يوم..!

وأنا ماشى على الطريف الدائرى يوميا تقابلني صور وحجاااات ومحتجات كل شوية حعرضلكوا لقطات منها حعرضلكوا صور من مصر